由 2008 年 9 月 1 日起，PETEGG SHOP 將擴大營業時間如下，敬請留意!

星期一至六 : 下午一時正至下午九時正
Monday to Saturday : 1:00 pm - 9:00 pm

星期日 : 下午一時正至八時正
Sunday : 1:00 pm - 8:00 pm

為左令大家更認識我地o既店員，我特別叫佢地每人寫一篇自我介紹，希望大家黎到 PETEGG o既時候對佢地唔會咁陌生啦~~ 如果邊個做得好做得唔好，都希望大家俾 d 意見我地架~~

ZOE
Hello, 大家好, 我叫Zoe. 我係Petegg已經工作左快要4年la. 我好喜歡小動物, 我曾經養過倉鼠, 兔子, 魚, 龜…但係無養過龍貓, 不過自從做了Petegg之後, 對龍貓的認識多左, 不知不覺都愛上左佢地, 佢地每個都常常擺出好多有趣既post. 我好喜歡同客人傾計, 因為係談話之中可以學習更多龍貓既知識, 希望之後既日子, 能見到你們.

JACKY
HELLO!大家好~我叫JACKY!我同你地一樣都好鍾意小動物GA~!我屋企養左兩隻天竺鼠、一隻兔仔，同埋兩隻小倉鼠。雖然我未曾養過龍貓仔，但我視鋪頭的龍貓就如自己養的一樣，十分愛鍚佢地，亦對佢地有一定的認識。
我平常最鍾意四圍影相，什麼花草樹木、飛禽走獸都愛影，當然唔少得家中多位「靚仔靚女」MODEL啦~~~除此之外，我亦是一個健談的人，愛同人吹水，尤其關於攝影及小動物的話題，所以歡迎你地黎鋪頭幫襯之如亦搵我吹下水~歡迎! 歡迎!

BLUE
Hello! 各位好, 我叫阿Blue, 係岩岩加入 Petegg 0既新成員, 我自己係好鐘意小動物, 自己都養左3隻天竺鼠同3隻倉鼠, 加埋以前o個隻倉鼠, 就係七寶飯啦~所以我對天竺鼠同倉鼠最為熟識, 但我係第1次接觸龍貓啊, 原來龍貓真係好特別, 以後要多多學習有關知識, 我好鐘意同人傾關於小動物架話題, 雖然我太慢熱, 但希望各位都會過黎同我吹下水啦, 請各位多多指教。

TOBY
我叫做Toby，我是一個學生。因為我從小就很喜歡小動物，特別是小狗和龍貓仔，所以一直希望可以在寵物店裡工作。在Petegg當店務員是我第一份的兼職，不經不覺已做了1年半。 我很喜歡這份工作，尤其是客人跟我們分享他們飼養小動物的趣事。

LAI
我叫亞黎, 好歡迎大家黎到petegg shop 唔經唔覺我都係petegg做左年半既時間, 一方面我好開心可以同一大班龍貓仔做朋友, 佢地個個都好cute , 當然, 我最愛既梗係牛牛啦. 另外更開心可以認識到好多客人, 可以同大家傾下”龍貓經”, 係一件賞心樂事. 呢份工作既可以同龍貓仔玩之外, 我都學識點同唔同既客人溝通, 主動d去serve 客人^^令我口才都有進步呢^^ 最後, 希望大家繼續支持petegg, 同埋可以同大家做個朋友^^

如果您對照顧龍貓、兔仔、天竺鼠、熊仔鼠或倉鼠有心得和經驗的話，我們誠邀您們加入 PETEGG 大家庭啊!

兼職店務助理

要求:
對寵物有愛心、有耐性，如有飼養寵物經驗就更好啦~

工作範圍:
一般店務工作，如收銀、為顧客解答問題、打理寵物籠、飼餵寵物等…

上班時間:
星期一至五 4:00 pm - 9:00 pm (最好 3:00 pm - 9:00pm)
星期六 2:00 pm - 9:00 pm
星期日 2:00 pm - 8:00 pm
(每星期最少返兩日)

其他要求:
最好識上網同打中文啦~~ 哈哈哈~

特別要求:
如識畫畫及使用畫圖軟件 (i.e. Photoshop 等) 我就更係最開心啦，因為有人幫輕下我.. 哈哈~ 但當然並非必要!

待遇:
一般啦，但最好就係平時有電腦同時間(查實有時都幾清閒，哈哈)俾您上網同做功課，返緊學最岩，哈哈~~

暑假工暫不考慮…sorry…

秘撈設計員

要求:
識畫畫及使用畫圖軟件 (i.e. Photoshop 等)，如識 Flash 或有飼養寵物經驗就更好啦~

工作範圍:
畫畫、畫畫同畫畫

上班時間:
冇定，可在家工作，因為係秘撈嘛!

其他要求:
冇喎，您肯幫我我已經好開心~

特別要求:
最好…. 您識埋 PHP 就 perfect 啦，我以後可以唔洗寫，哈哈~ 當然，世事冇咁理想o既，您識畫畫我已心滿意足~ 哈哈~~

待遇:
您可講俾我聽聽，我能力做到的一定做~ 哈哈~~

如想加入我們的大家庭，歡迎 send 個電郵俾我: jester@petegg.com

Petegg.com 前 身 為 Jesterworld.com ， Jesterworld.com 是 一 個 個 人 性 質 之 網 站 ， 並 始 建 於 一 九 九 九 年 年 初 ， 網 主 Jester 因 熱 愛 龍 貓 仔 ， 因 此 希 望 透 過 此 網 站 把 家 中 的 龍 貓 仔 之 喜 、 怒 、 哀 、 樂 與 所 有 喜 愛 龍 貓 仔 之 人 分 享 ， 亦 希 望 能 透 過 此 網 站 與 所 有 人 分 享 一 切 養 龍 貓 仔 之 心 得 及 知 識 。 一 直 以 來 ， Jester 希 望 擁 有 一 個 屬 於 龍 貓 仔 愛 好 者 的 一 個 聚 腳 地 ， 直 至 二 零 零 一 年 十 二 月 中 ， 這 個 願 望 終 於 達 成 ， Jester 於 油 麻 地 現 時 點 商 場 找 了 一 個 約 一 百 呎 的 舖 位 ， 建 立 了 Petegg ， 希 望 提 供 一 個 地 方 予 所 有 會 員 以 及 小 動 物 之 愛 好 者 ， 讓 他 們 交 流 一 下 飼 養 之 心 得 以 及 與 寵 物 生 活 的 分 享 。 當 然 ， 店 內 亦 有 提 供 一 些 龍 貓 仔 以 及 小 寵 物 之 飼 料 以 及 有 關 用 品 。

PETEGG ONLINE 乃 PETEGG SHOP 推出之網上購物網站，本店之會員或非會員也可享受安在家中為寵物們購物之樂趣，PETEGG ONLINE 將於五月中推出，敬請留意!

各位可留意 EGGxpress 寵物用品速遞服務